FF+ calls for Tshwane mayor probe

Pretoria - The Freedom Front Plus called for Tshwane Mayor Gwen Ramokgopa to be probed after allegations on Wednesday that she suspended the municipal manager to prevent him from querying the awarding of lucrative tenders.

"An independent investigation must be launched very fast against the mayor. There is a stink in this story (...) She must tell residents if she is guilty or not," said FF Plus spokesperson Philip van Staden.

A report by the Pretoria News on Wednesday said that suspended city manager Kiba Kekana wrote a letter on February 12 where he accused Ramokgopa of bowing to pressure from the African National Congress' Tshwane regional executive committee.

In the letter, Kekana claims that Ramokgopa was given seven days by the regional ANC to remove him from office and therefore allowing an acting municipal manager to approve tenders worth millions.

Kekana was suspended in October and former Truth and Reconciliation commissioner Advocate Dumisa Ntsebeza was asked to investigate the allegations.

Taking action

Last week Ntsebeza told Sapa that he had completed his investigations into the allegations of maladministration, irregularities and misconduct and handed it into the mayor on June 4.

However, the report has never been released.

City of Tshwane spokesperson Console Tleane could not give comment on the allegations or on when the report will be released, except to say the council will "appropriately" respond to allegations and other matters at a later stage.

"It is prudent for the institution to withhold comment until the matter is concluded.

"We will do so upon conclusion of the matter with the City Manager."

Meanwhile, Van Staden said the FF Plus will, after consultation with its councillors, take necessary action against Ramokgopa and force her to release the report.

VALSE BERIGGEWING OOR TUKS SR-VERKIESING:REGSTELLING

Die Vryheidsfront Plus verskaf hiermee die korrekte uitslag van die Universiteit van Pretoria se studenteraadsverkiesing. ‘n Persverklaring deur AfriForum wat ‘n foutiewe beeld skep van die verkiesing se uitslag het tot valse beriggewing oor verkiesing gelei.



Die verkiesingstelsel vir verteenwoordiging op die Universiteit van Pretoria se studenteraad (SR) is sodanig dat verteenwoordigers vanuit verskeie fakulteite, verenigings en koshuise verkies word. Die totale setels wat partye of groeperings wen bepaal wie die grootste party in die SR is.
Die korrekte inligting is as volg:



1. SASCO is die grootste party met 22 setels;

2. Die setels van ander partye is as volg: VF+ 14 setels, Afriforum 17 setels, DA 5, Cope 3 en ander groepe 4 setels.

Die persverklaring deur Afriforum fokus op ‘n klein deel van die verkiesing (nl. verenigings en koshuise) en maak dan aanspraak op ‘n oorwinning, wat vals is.



Volgens mnr Jaco Mulder, VF+ leier in Gauteng, is dit wel verblydend dat die twee groeperinge wat die belange van Afrikaanse studente op die kampus verteenwoordig ‘n oorweldigende meerderheid behaal het.

“Wat jammer is, is dat die deelname van Afriforum tot ‘n verdeling van stemme gelei het wat veroorsaak dat SASCO die grootste party in die SR is. Dit is ook jammer dat ‘n valse uitslag na die media uitgestuur is en dat die media daaroor berig het sonder verdere ondersoek. Die VF+ oorweeg sy opsies in hierdie verband”, het Mulder gesê.



Vroeër is ook berig dat die polisie klagtes ondersoek teen AfriForum-lede wat moontlik die verkiesingswet oortree het tydens die verkiesing. Volgens Mulder moet die reg sy loop neem. “Dit is belangrik dat verkiesings vry en regverdig moet wees – op elke vlak waar dit plaasvind”, het Mulder gesê.
Jaco Mulder LPW

VF Plus Leier Gauteng

082 466 3786

VF PLUS BEHAAL 14 SETELS OP TUKS!

Die Vryheidsfront Plus het 14 setels behaal op die SR verkiesing wat op 16 September 2010 op die Universiteit van Pretoria,TUKS,plaasgevind het.

“Die Vryheidsfront TAS het hul tevredenheid uitgespreek, dat die VF Tas meer kandidate as in die verlede aan die Studenteraadsverkiesing aan die Universiteit van Pretoria laat deelneem het en dat studente steeds aangetoon het dat die VF Plus ‘n belangrike rol aan Universiteite te speel het,” het Helgard Cronje, Voorsitter van VF TAS in ‘n verklaring gesê.

Die VF Tas is van oordeel dat die enigste wyse waarop Tukkies regeer kan word, deur sinvolle koalisies tussen verskillende organisasies sal wees, aangesien die ANC strenggesproke ‘n meerderheid in die Studenteparlement kan vorm. Dit is vir VF TAS tog betreurenswaardig dat stemme van groter organisasies tot so ‘n mate verdeel was, dat ‘n besliste regering in die SP, slegs deur koalisies behaal kan word. Die VF Plus is van oordeel dat SASCO op ander kampusse regoor Suid-Afrika reeds bewys het wat hul agenda is en sal ten alle koste toesien dat hierdie agenda nie deur onverantwoordelike stemverdeling by Tukkies ingevoer sal word nie.
Die VF TAS het die studenteraadsverkiesing vir die afgelope 14 jaar gewen en sal deur sinvolle koalisies die kampus kan regeer. Die belangrikste doel van studente politieke organisasies, is om die studenteregte van die onderskeie belangegroepe te beskerm.

VF TAS wil graag alle studente bedank vir die vertroue wat daar in VF TAS en sy kandidate gestel is en is ten alle koste verbind tot die beskerming van studenteregte.

Die uitslae was as volg:

FAKULTEITE:

REGSFAKULTEIT
VF+ 1,AFRIFORUM 1,ANC 1

BSC FAKULTEIT
VF+ 2,AFRIFORUM 0,ANC 2

VEEARTSENY FAKULTEIT
VF+ 1,AFRIFORUM 0,ANC 0

EBW FAKULTEIT
VF+ 1,AFRIFORUM 1,ANC 2

GEESTESWETENSKAPPE FAKULTEIT
VF+ 1,AFRIFORUM 1,ANC 1

GESONDHEIDSWETENSKAPPE
VF+ 1, AFRIFORUM 0, ANC 2

EBIT
VF+ 2,AFRIFORUM 2,ANC 2

OPVOEDKUNDE
VF+0,AFRIFORUM 1,ANC 2

TEOLOGIE
VF+ 0,AFRIFORUM 0,ANC 0

TOTALE VERTEENWOORDIGERS VERKIES BY FAKULTEITE:

ANC 12, VF+ 09 EN AFRIFORUM 06


VERENIGINGS EN KOSHUISE:

AFRIFORUM 29% stemme = 11 Setels
ANC 26% stemme = 10 Setels
VF+ 13% stemme = 05 Setels
DA 13% stemme = 05 Setels
COPE 05% stemme = 02 Setels
UPI 05% stemme = 02 Setels
GENESIS 05% stemme = 02 Setels

TOTALE VERTEENWOORDIGERS VAN ELKE PARTY OP SR:

ANC 22
AFRIFORUM 17
VF+ 14
DA 05
COPE 02
UPI 02
GENESIS 02

ONWETTIGE GRONDBESETTER LOOP SY RIEME STYF

‘n Onwettige grondbesetter in Marketstraat, Booysens, Pretoria het sy rieme lelik styf geloop nadat hy die afgelope Donderdag voor die Hooggeregshof in Pretoria gedaag is.

Die saak is verlede maand onder die aandag van Philip van Staden, VF Plus-gemeenskapsverteenwoordiger en streekleier in Pretoria, gebring nadat die inwoners langs die erf gekla het oor die riool wat oorloop asook onwettige kragkabels wat aangelê is vanaf ‘n ander eiendom langs die erf. Van Staden het dadelik ondersoek ingestel en die metroraad se inspekteurs is ontbied. Die betrokke erf is wel omhein, maar dis egter grond wat aan die Pretoria/Tshwane-metroraad behoort. Die onwettige besetter het reeds al verlede jaar ‘n huis op die erf gebou sonder dat die metroraad bewus was daarvan.

In ‘n skrywe wat Van Staden vandag vanaf die metroraad se advokate ontvang het, is Van Staden meegedeel dat die nodige hofdokumente by die hof ingehandig is en dat die betrokke persoon aangekla word van onwettige besetting van die erf, wet 19 van 1998, asook onwettige bouery op die erf volgens die nasionale bouregulasies en wet 103 van 1997.

Van Staden het in sy reaksie hierop gesê dat geen persoon die reg het om grond onwettig te beset nie en dat die nodige stappe geneem sal word indien dit wel gebeur.



Philip van Staden
Kontaknommers: (012) 665 0564

VF PLUS Lê KLAG OOR BESKADIGING VAN EIENDOM OP TUKS

Die Vryheidsfront Plus het vandag ‘n klag by die Brooklyn SAPD ingedien oor die beskadiging en verwydering van eiendom op die Tuks-kampus asook moontlike diefstal.







Dit volg nadat die VF Plus se plakkate vir die komende Tuks-studenteraadsverkiesing op 16 September beskadig en verwyder is. Die VF Plus beskik oor videobande van die Universiteit se sekuriteitskameras wat duidelik toon wie die plakkate beskadig en verwyder het. Daar is ook videobande wat duidelik wys wie die persone en die organisasie is wat probeer het om verlede nag by die VF Plus se kantoor op die kampus onregmatige toegang te verkry. ‘n Klag is ook ingedien by die Onafhanklike Verkiesingskommissie op die kampus.



Mnr Awie Erasmus Organiseerder VF+ Tuks Mnr Philip van Staden VF+ Pretoria Streekleier en Mnr Helgardt Cronje VF+ Voorsitter op Tuks.







Die VF Plus is tans die sterkste party op die Tuks-kampus en wen die afgelope 14 jaar die SR-verkiesings. 'n Aantal organisasies op die Tukkies-kampus openbaar 'n venynige houding teenoor die VF Plus aangesien hierdie organisasies poog om politiek op die kampus te stop. Die organisasies probeer hul bes om die VF Plus ten alle koste te benadeel. Die VF Plus is die enigste party wat werklik vir studente se regte opstaan.







Die klagtes is ingedien deur die VF Plus se voorsitter op Tuks, mnr. Helgard Cronje, die organiseerder van die VF Plus op Tuks, mnr. Awie Erasmus en die VF Plus-leier in Pretoria, mnr. Philip van Staden.







Mnr. Philip van Staden



VF Plus Streekleier : Pretoria



084 015 4722

VF PLUS BEDANK UIT WESMOOT SE WYKSKOMITEES

Die Vryheidsfront Plus in die Wesmoot van Pretoria se twee wykskomiteelede, mnr Philip van Staden en mnr Philip du Bruyn, wat onderskeidelik op Wyk 55 en Wyk 01 wykskomitees gedien het, het vandag hul bedankings uit die komitees aangekondig.

Hierdie stap volg na maande se wroegings of dit nog die moeite werd is om op hierdie komitees te dien. Die redes vir die twee verteenwoordigers se bedankings is die volgende:

• Mnr du Bruyn van Wyk 55 voer aan dat daar geen belangstelling vanaf die DA raadslid Suzette Fourie in die vergadering is nie asook van die 9 ander komiteelede.
• Mnr du Bruyn is sedert Augustus 2009 reeds ‘n wykskomiteelid en slegs 5 van die 10 komiteelede woon die vergaderings maandeliks by wat veroorsaak dat daar nooit ‘n kworum teenwoordig is nie en dat vergaderings egter nie kan voortgaan met hulle take nie. Die komitee is egter dormand.
• Probleme wat deur mnr du Bruyn aan raadslid Suzette Fourie deurgegee word, word egter nie aandag aan gegee nie.
• Raadslid Suzette Fourie gee egter net aandag aan een klein deel van Wyk 55 naamlik Danville en Elandspoort.

Mnr Van Staden van Wyk 01 se redes is egter die volgende:

• Mnr van Staden is reeds sedert 2006 ‘n lid van die komitee en herkies in 2008 maar is uiters gefrustreerd oor raadslid Piet Fourie se werkinge in die wyk.
• Van Staden dien egter elke jaar ‘n geïntegreerde ontwikkelingsplan vir die betrokke wyk in by die komitee maar niks word aan die plan gedoen nie.
• Wykskomiteevergaderings is ‘n mors van tyd aangesien daar elke maand oor dieselfde kwessies gepraat word maar dit vorder ook nie verder nie.
• Inwoners kontak die raadslid oor verskeie klagtes maar niks word aan die klagtes gedoen nie. Van Staden moet dan inspring en die inwoners probeer gelukkig hou.

Van Staden en Du Bruyn kry op die stadium meer reg buite die werking van die wykskomitees as binne die raamwerk van die komitees. Van Staden het genoem dat hierdie komitees egter geen besluitnemingsmagte het nie en dit is daarom sinneloos om elke maand oor kwessies van minder belang te vergader, dit terwyl die inwoners nie kos het om te eet of huise het om in te bly nie.

Van Staden en Du Bruyn sal egter nog steeds buite die komitees hard werk om die welstand van die inwoners en die gemeenskap te verbeter.


Mnr Philip van Staden
VF Plus Streeksleier Pretoria
VF Plus Verteenwoordiger Wesmoot Pretoria
Tel: 084 015 4722

Mnr Philip du Bruyn
VF Plus Takvoorsitter Wesmoot Pretoria
Tel: 083 745 2131

DASPOORT TONNEL WORD OPGEGRADEER

Die Daspoort tonnel, oftewel die Ollie Denyschen tonnel,in die Wesmoot in Pretoria gaan eersdaags opgegradeer word.

Dit volg na herhaalde gesprekke deur VF Plus Streeksleier,Mnr Philip van Staden,met die Pretoria Metroraad se stadsingenieurs oor die ongelukke wat die afgelope paar maande verskeie mense se lewens in die tonnel geeis het. In Julie 2010 was daar alleen omtrent 06 ernstige ongelukke in die tonnel gewees. Volgens ‘n skrywe wat op Donderdag 02 September 2010 vanaf die Metroraad aan Van Staden gestuur is,is daar gemeld dat die nodige bevele uitgereik en finansies beskikbaar gestel is om die nodige opgradering te verrig en dat hierdie opgradering teen einde November begin Desember 2010 sal begin.Dit sal egter fase een van drie wees.

Die eerste fase se opgradering behels die volgende:
• Oprig van verkeerstekens wat verbygaan in die tonnel verbied,die spoedgrens wat ingeperk gaan word en dat hoofligte van voertuie verpligtend is,
• Oprig van staalbuffers weerskante van die pad buite die tonnel,
• Sigbare merke op die pad en op die sypaadtjies,
• Installering van pad hobbeltjies,klein staal konoppies, om die spoedgrens te beperk.

Van Staden het genoem dat die eerste fase verwelkom word en dat dit reeds die ongelukke gedurende die komende Kersgety sal verlig. Van Staden het ook genoem dat fase twee en drie so spoedig in 2011 inwerking gestel moet word.


Mnr Philip van Staden
VF Plus Streeksleier Pretoria
VF Plus Verteenwoordiger Wesmoot Pretoria
Tel: 084 015 4722

METRO SE BESOEK AAN WESMOOT SINNELOOS

Die besoek van burgermeesterskomitee lede die afgelope week aan die Wesmoot Pretoria was ‘n sinnelose besoek gewees.

Hierdie besoek vind egter elke jaar plaas,die Staatspresident het die gebied al twee keer besoek en nooit gebeur daar enige iets van die beloftes wat deur hulle gemaak word nie. Volgens Mnr Philip van Staden,Streekleier vd VF+ Pta en Gemeenskapsverteenwoordiger,is die probleme in die gebied al verskeie kere met die burgermeester bespreek maar geen reaksie kom ooit van haar kant af nie. Van Staden het ook die inwoners ingelig dat die Raadslid vir die gebied,Mev Suzette Fourie,se aanhaling die afgelope week dat die gemeenskap tydens die huidige bedeling afgeskeep word wel waar is maar dat Raadslid Fourie en haar voorganger die afgelope 16jaar nie veel aandag aan die gebied gegee het nie. Volgens Van Staden is Fourie net daar om na haar eie belange om te sien en spring sy nou skielik op die wa om kwessies te probeer oplos omrede dit aanstaande jaar weer munisipale verkiesing is. Van Staden het ook genoem dat Raadslid Fourie in 2008 verkies is maar nog nie ‘n steek werk in die gemeenskap gedoen het nie. Sedert Fourie se verkiesing in 2008 het die gebiede van Booysens en Claremont en Danville net meer agteruitgegaan nadat sy die kiesers in 2008 belowe het dat sy die gebied sou regruk.



Van Staden het ook genoem dat die burgermeester moet begin om verantwoordelikheid te aanvaar vir die feit dat nagenoeg 5000 mense in wendyhuisies en kamers woon asook plakkers wat sonder enige water en sanitasie woon. “Hierdie is ‘n gruwelike skending van die mense se regte en dit hou ook ‘n gevaar in vir die omgewing asook vir die gesondheid van die gemeenskap.”

Van Staden het ‘n dringende beroep op die burgermeester van Pretoria,Dr Gwen Ramakgopa, asook die raadslid vir die gebied,Suzette Fourie,gedoen om indringend hierdie kwessie te prober oplos en moet begin omsien na die belange van inwoners en nie na hul eie belange nie.






Mnr Philip van Staden
VF Plus Streekleier Pretoria
Gemeenskapsverteenwoordiger Wesmoot Pretoria
Wykskomitee lid Pretoria
Tel: (012) 665 0564 / 084 015 4722
Epos: Philip@vf.co.za

METRO POLISIE HOOF SE UITSPRAKE IS GEVAARLIK

Die uitsprake die afgelope week van die Pretoria Metropolisie se hoof van proaktiewe polisiering,Direkteur Ndumiso Jaca,tydens die roudiens van die metropolisie lid,Sersant Mogale,is gevaarlik. Mogale is na bewering vermoedelik deur die Bloubul rugbyspeler,Bees Roux,aangerand en ter dood agtergelaat.

Die Streekleier van die VF Plus in Pretoria, Mnr Philip van Staden,het gewaarsku dat Direkteur Jaca se uitsprake kan lei tot uiterste rasse haat teenoor blankes in Suid Afrika en dat hierdie uitsprake gelykstaande is aan die destydse uitsprake van die ANC jeugleier,Julius Malema se Shoot the boere. “Om in die openbaar ‘n man te dreig wat nog nie eers deur die hof skuldig bevind is nie,is ‘n ernstige probleem en Direkteur Jaca gee duidelik hier ‘n teken van ‘n dreigende en diskriminerende houding.”

Die Vryheidsfront Plus versoek dat Direkteur Jaca dadelik hierdie uitsprake terug trek en indien Jaca dit nie doen nie daar dadelik teenoor hom dissipliner opgetree moet word. Van Staden het ook genoem dat die uitsprake van Jaca in die openbaar uiters onverantwoordelik is.

Mnr Philip van Staden
STREEKLEIER VF PLUS PRETORIA
Tel: 084 015 4722

VF PLUS VERWERP TSHWANESANG VAN PRETORIA SKOU

Die Vryheidsfront Plus maak as gereelde uitstaller by die Pretoria skou beswaar teen die verandering van die naam van die Pretoria skou na die Tshwane skou.

Die naam verwar skougangers en die aanspraak van die skoubestuur dat die naam "Tshwane show" aan die skou 'n internasionale geur gee is belaglik, so se mnr Philip van Staden, VF Plus leier van Pretoria.

Daar bestaan geen geografiese plek soos Tshwane nie en die skou wat 'n geskiedenis van meer as 70 jaar het, vind plaas in die hartjie van Pretoria en staan reeds sedert 1963 as die Pretoria skou bekend. Die skou loop more teen einde.

Die leier van die VF Plus in Gauteng en LPW mnr Jaco Mulder het van Staden ondersteun deur te se dat die verandering van die naam skougangers verwar en die 47 jarige tradisie effektief versmoor het. Hierdie sogenaamde strategiese besluit van die Tshwane besigheids-en landbou korporasie is kortsugtig en vervreem die tradisionele uitstallers en skougangers.

Talle skougangers het die naamsverandering by die VF Plus stalletjie veroordeel en aangedui dat hulle die skou nie weer sal ondersteun nie.

Die VF Plus was die afgelope jare met sukses in 'n hofstryd gewikkel om die behoud van die naam Pretoria. Dit is 'n skande dat die skoubestuur met soveel disrespek met die erfenis omgaan, veral nadat talle hofuitsprake en selfs die president van Suid Afrika erkenning aan die naam Pretoria gegee het, het Mulder gese.

Nog 'n suksesverhaal en gevestigde stukkie erfenis word effektief vernietig met die "Tshwanesang" van die Pretoria skou.



Philip van Staden
VF Plus Leier Pretoria
084 015 4722


Jaco Mulder LPW
VF Plus Leier Gauteng
082 466 3786