Ek is oortuig ek praat namens die meeste Suid Afrikaners as ek se die aanslag wat die ANC tans teen die media voer,hou 'n ernstige bedreiging in vir die demokratiese bestel in Suid Afrika.
Geen land kan demokraties funksioneer as die regering by die media inmeng nie.Die media is verantwoordelik om 'n regering op sy tone te hou en as die regering nie daarin slaag om die land te regeer nie,soos wat die geval met die ANC is,moet die media die publiek daaroor inlig.Suid Afrika het al die pad van mediasensuur gestap. Die apartheidsregering het die media onderdruk en Zimbabwe se Robert Mugabe doen dit vandag nog. Dis bewys dat dit nie werk nie.Die ANC moet besef hy kan nie ons demokrasie buig om hom te pas nie.Die magspel waarmee hy tans besig is,gaan nog in sy gesig ontplof. Waarom die koerante,wat demokraties hul beriggewing doen,stilmaak?
Is die ANC bang vir nog waarhede oor korrupsie wat dalk gaan uitkom?Hy moet eerder selfondersoek doen en sy beloftes teenoor sy kiesers nakom,dan hoef hy nie bang te wees om uitgestem te word nie.
No comments:
Post a Comment